مفيش أسباب - عبدالرحمن بلال
إلى اللي ما أحبش أكتبله كلام من ده
إليك إنتَ . .
بقالي كتير مفيش في جديد غير إني أمنت بالوحده
قصدي رجعت للوحده
ومن مُده , رجعت أكتب
كلام يكئب , كعادتي قبل ما أكتبلك
أكيد فاكر كلامي معاك في 100 موضوع
وفاكر قد ايه سهولتي في أي رجوع
أكيد فاكر ولو ضحكة ,
ولمعة عيني وقت لقاك . .
وضعفي لما أكون خايف . . تعيد البُعد فـ أترجاك
وتبعد تاني كالعاده ,
وكالعاده أخاف وأنا وحدي وأستناك
مفيش أسباب تخليني كده لسه ,
ولا أسباب تخليني أحاول أنساك .
