سيلانترو فرع الهرم
من وسط كل الناس اللي كان ممكن تكون وياه ..
ساب الجميع واختار اللي مش حساه
من وسط كل البنات اللي في سيلانترو
ومن وسط كل البنات اللي كان ممكن تحبه
ماشافش غيرها ..
واختار يشاركها الوجع والأه
ويعيش معاها بطل في فيلم كان مأساة!
في ايه حصل في الدنيا !
والناس ليه مش شيفاه ؟
ليه البطل يكره بطولته ويكره اللي معاه!
في ايه حصل للقهوه واللون اللي كان لامع
طعم الحجات الحلوه بقى مايع
ليه خلصت القصه اللي كان ممكن تكون قصة حياه
وبدأت المُعاناة!
نفس المكان ده كنت فيه عاشق
نفس المكان ده كنت فيه معشوق !
عدت سنين ع الحلم والظاهر ..
غابت فـ غِبت ورافض اني أفوق !
كل المحلات بعدها بقى لونها اصفر
علشان تفكرني اني مش هاقدر
كل المحلات بعدها فضيت ..
مابشوفش فيها والله العظيم مخلوق !
وازاي هاتحكي لحد مش وياك عن حاجه له جواك ..
ازاي هاتحكي للي مش فاهمك
حدوته لا انت فاهمها ولا فهماك !
وازاي تعبر عن حاجه ملهاش لسه وصف !
عن شئ ماحدش عاشه غير عيل كده جواك !
عبدالرحمن بلال