بطاقة جديدة
جدد بطاقتك قبل مايفوت الأوان
جدد حياتك كل فترة عشان ..
مفهاش يا صاحبي اي راحه مهما تعمل
هي الحياه وده طبعها ..
فبلاش تموت من بعدها عشمان.
لسه الليالي بتقتلك بهدوء
لسه السجاير دورها جاي .. ماتفوق !
لسه الجوامع بتندهك بأيات من القرآن
ولسه هى بتندهك في كل صوت كروان.
وصوت نفسك مع نفسك مازال مخنوق!
انت اللي باقي للي باقي جوه منك
انت اللي فاضلك ..
انت اللي ناسي الوقت ومتوحد مع حُزنك
وانت اللي مش فارق معاك سنك!
جدد بطاقتك يابن عمي هايمسكوك !
وحذاري تنهار أي ليلة هايركبوك!
هايزعلوك والله صدقني هايزعلوك !
جدد مكانك وامشي قبل ما يصلبوك!
هما نفس الشله اللي دايرين يمدحوك
هما اللي بكره هايلعنوك ..
وهايلعنوا اللي خلفوك.
طبع البشر وفي ناس قليلة الأصل
هاتموت في عينهم وبايديهم لو في يوم حسدوك!
جدد بطاقتك وابعد عن الحوارات
خلد بنفسك أبطال معاركك من الزمن اللي فات
اياك في يوم تزعل من الخاين
واياك في يوم تزعل من الخولات
عيش الحياه وافتكر انك في يوم هاتغيب
وارفع ايديك عن اي حد يخيب
واجفظ قانون الدنيا صم:
"مش شرط تكسب وقت مايكون فرض تكسب .. العبرة بالنهايات"
جدد بطاقتك واكتب الشئ اللي نفسك فيه!
واختار مكان دفنتك مش اللي هاتعيش فيه!
واكتب تاريخك قبل ما الأوساخ في يوم تمحيه!
ويقولوا كلب ومات.
عبدالرحمن بلال